نقلت جريدة “وول ستريت جورنال” أن هناك خطة تجريبية كتوجد لإطلاق عملية إغاثة فجنوب قطاع غزة، بمشاركة شركات أمريكية خاصة، ولكن باقي كاينة تساؤلات على كيفاش غادي يديرو هاد العملية.
الإمدادات الإنسانية فغزة سالاو تقريبا بسبب الحصار الإسرائيلي اللي مستمر من أوائل مارس، وهدي أطول مدة عاش فيها القطاع تحت الحصار من بداية الحرب.
حسب مصادر الصحيفة، الجيش الإسرائيلي كيفضل يتعامل مع منظمات دولية اللي كانت كتوزع المساعدات طول مدة الحرب، حيث ما باغيش يتورط براسو فالتوزيع.
بعض المسؤولين اليمينيين فإسرائيل باغيين الجيش يدير التوزيع مباشرة، ولكن كاينين مخاوف أمنية وخوف من أن هادشي يزيد من المسؤوليات الإنسانية على إسرائيل قدام العالم، ويعطي صورة بأنها قوة احتلال فغزة.
عيران شامير بورير، محامي دولي سابق فالجيش الإسرائيلي، قال أن تدخل الجيش فالتوزيع غادي يعطي انطباع أن إسرائيل متحكمة فغزة، وهذا ممكن يعرضها لمشاكل قانونية دولية أكبر.
